Og svo kom stríð og svo kom her. Og svo kom friður og enn meiri her. -Megas

föstudagur, desember 07, 2007

Við erum á góðri leið til andskotans!

Ég var að lesa áhugaverða færslu hjá Þórhildi þar sem ég sá þetta. (http://www.orvitinn.com/myndir/2007/dv_leidari.jpg)

Stöldrum nú aðeins við orðið siðblinda sem kemur fyrir þrisvar sinnum í leiðaranum. Um siðblindu segir Wikipedia þetta:

Amorality is the quality of believing that moral right and wrong (or good and evil) do not exist in objective reality. 'Amorality' or 'amoralism' may also refer to believing that the concepts of moral right and wrong do not have meaning, or lacking a belief in the absolute existence of any moral laws. It does not require the belief that right and wrong in the sense of truth and falsehood do not exist.


Enn fremur mæli ég með því að fólk lesi þetta svar Guðrúnar Öddu Ragnarsdóttur atferlisfræðings um siðblindu.

Siðblinda er sjúklegt ástand og er birtingarform nokkurra geðsjúkdóma. Kannski (og að öllum líkindum) telur Reynir að trúleysingjar séu hópur illa innrættra geðsjúklinga sem fari um landið og kveiki í kirkjum, skeini sér með biblíum og hvetji börn til saurlifnaðar.

Það er áríðandi að almenningur stöðvi framrás guðlausra og siðblindra. Taumlaust og óagað frjálslyndi getur aldrei orðið til annars en bölvunar fyrir alla.


Svo hættulegir eru trúleysingjarnir að helst þyrftu góðir og gegnir borgarar þessa lands að draga að húni gunnfána, taka fram atgeirinn og verja sig með kjafti og klóm fyrir þessum heiðingjum sem geta leitt þjóðina til glötunar.

Bara spurning hvenær maður sér Reyni birtast á Ómega.

posted by Gunni at 10:55 e.h.

8 Comments:

  • „Amorality“ er ekki siðblinda. Ég er ekki viss hver íslenska þýðingin á amorality er, en ég myndi skjóta á „siðleysi“. Sósíópatía er siðblinda.

    (Annars er ég sammála, sko.)

    By Blogger Bastarður Víkinga, at 11:27 e.h.  

  • Ég hélt líka að sósíópatía væri siðblinda en tvær orðabækur sögðu mér að svo væri ekki. En það skiptir ekki máli því þetta er í raun sami hluturinn.

    Orðabók Menningarsjóðs segir: Siðblindur - sem ber ekki skyn á hvað er siðferðilega rétt eða rangt.

    Það rímar við skýringuna á amorality og ekki lýgur Árni Böðvarsson.

    By Anonymous Nafnlaus, at 12:09 f.h.  

  • Iss, það er ekki hægt að treysta á neitt sem er skrifað í bækur.

    By Blogger Bastarður Víkinga, at 12:12 f.h.  

  • Á wikipediu segir: "Psychopathy (also known as Sociopathy)".

    Það standa deilur milli lækna og fræðimanna um muninn á þessum sjúkdómum og því forðaðist ég að nota orðið "sósípatía". Skilgreining á orðinu "amorality" er hins vegar skýr.

    By Anonymous Nafnlaus, at 12:32 f.h.  

  • Iss, það er ekki hægt að treysta neinu sem stendur á netinu.

    By Blogger Bastarður Víkinga, at 12:34 f.h.  

  • Heyrðu vinur. Á ég að koma og taka í hnakkadrambið á þér?

    By Anonymous Nafnlaus, at 12:44 f.h.  

  • Já. Ég er einmanna.

    By Blogger Bastarður Víkinga, at 12:57 f.h.  

  • vá, ég bara sé það núna að vegna þess að ég trúi ekki á guð þá er ég búin að stela svo miklu! og ég er búin að berja einstæðar mæður til óbóta fyrir peninga fyrir eiturlyfjum. og það er kannski þess vegna sem að ég kveikti í kirkjunni þarna fyrir norðan...hmm...ég bara verð að taka aftur upp trúna mína á guði til að sporna við þessu! getur þú hjálpað mér Reynir?

    By Blogger Tinna, at 2:12 e.h.  

Skrifa ummæli

<< Home

 

Powered by Blogger