Lúxuslöggur
Ég hata CSI: Miami. Samt horfi ég á endursýningarnar þegar ég er í vinnunni og hef ekkert betra að gera.
Eitt skil ég ekki við þættina. Af hverju í andskotanum keyrir tæknilið lögreglunnar í Miami um á spánýjum, stífbónuðum Hummerum?
Samkvæmt lauslegri rannsókn minni á netinu kom í ljós að CSI-fólkið keyrir um á svokölluðum H2 útgáfum af Hummer sem eru mun dýrari en hin tegundin H3. Þeir kosta berstrípaðir um 65.000 dollara (um 4.3 millj. ISK) en ég býst við að bílarnir í þáttunum séu hlaðnir aukabúnaði svo upphæðin er eflaust mun hærri (auk þess að gengi dollars gagnvart krónu er frekar lágt, ef maður hugsar þetta í íslenskum krónum).
Ef ég færi til Miami, ætti ég þá von á því að sjá lögguna keyra um á lúxusbílum? Eða ætli þættirnir séu vel sponsoraðir af Hummer?
Þoli ekki CSI heldur, þó að maður eigi það til að kíkja á þá (já skammast mín). Alltof mikið af óþarfa brjóstaskoru-skotum á ferðinni. Er það líklegt að allar löggur og rannsóknarstofulið í BNA sé allt saman megabeib?