Og svo kom stríð og svo kom her. Og svo kom friður og enn meiri her. -Megas

föstudagur, júní 25, 2004

Ég er alinn upp sem úthverfapakk með fordóma gagnvart öðrum hverfum borgarinnar

Það er frekar hryssingslegt veður úti, mistur og suddi, trén á stöðugri hreyfingu, þung ský hlunkast í loftinu. Skrýtið hvað gráu húsin í vesturbænum eru miklu myglulegri í svona veðri.

Þetta er nákvæmlega sú mynd sem ég hafði af vesturbænum þegar ég var yngri. Ég gat ekki skilið hvernig börn gátu búið í þessu hverfi. Mér kom ekkert annað til hugar en að einungis illa þefjandi gamalmenni héldu til í þessum miðaldakofum og öll börn væru víðs fjærri nema á afmælum gamla fólksins og kannski á sjómannadaginn.

En eftir að ég byrjaði í háskólanum og sá vesturbæinn með eigin augum og labbaði um götur hans þá varð ég svolítið skotinn í honum. Það skot hefur aukist til muna undanfarin tvö ár og nú skammast ég mín fyrir að búa í Breiðholti og þrái ekkert heitar en að komast í vesturbæinn. Nema þegar það er svona veður.

2 Comments:

  • Sama her

    By Blogger Dagur Snær, at 10:12 e.h.  

  • Ég bý í vesturbænum og hér er hörmulegt um að litast. Lókal íþróttafélagið er illþýði, Ægissíðan er stormbarin af harðfiski og þara og hávaðasamar rellur sunnudagsflugaula sveima yfir með tilheyrandi drunum þá sjaldan að það sést til sólar. Vaknið upp frá þessum draumórum!

    By Blogger Unknown, at 1:34 f.h.  

Skrifa ummæli

<< Home


 

Powered by Blogger