Og svo kom stríð og svo kom her. Og svo kom friður og enn meiri her. -Megas

Sektarkennd

2009-12-10T11:34:00.001Z

Hann fann fyrir örlitlum sting þegar hann pissaði um moguninn. Líklega stafaði það af því að hann hafði sofið með uppbretta forhúð sem hann gerði alla jafna ekki. Venjulega eftir ríðingar þá renndi hann forhúðinni upp áður en hann fór að sofa. Þannig hafði það alltaf verið því hann var ekki umskorinn og því var kóngurinn viðkvæmur fyrir áreiti.

Þegar hann var búinn að pissa þá renndi hann forhúðinni aftur upp á kónginn með erfiðismun. Hann var þurr og hrjúfur viðkomu. Þó þetta væri sárt þá bætti það úr sök að kóngurinn var dofinn eftir að hafa sofið berskjaldaður á snjáðum bómullarrúmfötunum.

Hún var enn sofandi þegar hann kom af klósettinu inn í herbergið. Klukkan var ekki nema átta um morguninn og hann fann að hann var enn örlítið drukkinn. Hann klæddi sig í náttbuxurnar, settist í hægindastólinni sinn og kveikti sér í sígarettu. Hún rumskaði ekki. Annaðhvort var hún sofandi eða þóttist sofa. Hann gat ekki gert upp við sig hvort hún var að þykjast eða ekki. Á borðinu við hliðina á hægindastólnum stóð óopnaður bjór. Eitt augnablik velti hann því fyrir sér hvort að hann ætti að takast á við þynnkuna sem var í vændum eða að eða nota hinu einu sönnu forvörn, afréttarann. Hann var ekki vanur því að bjóða fólki birginn, hvað þá þynnkunni.

Þessar mínútur sem hann sat og reykti fyrstu sígarettu dagsins, með dofinn tittlinginn, velti hann fyrir sér atburðum gærkvöldsins. Í fyrstu mundi hann brot út samtölum, barinn sem hann var á og svo lyktina. Þessa megnu reykingarlykt sem myndast á börum á föstudagskvöldum þegar allir keðjureykja. Líka fólkið sem reykir ekki alla jafna. Hann mundi eftir að hafa kastað upp á salerninu eftir að hafa drukkið tekílastaup, þvegið sér í framan og farið beint aftur á barinn og pantað sér annan bjór.

Smám saman pússlaði hann saman meginatburðum næturinnar í skikkanlega tímaröð. Hann mundi óþægilega vel eftir göngunni heim með stelpunni sem nú lá sofandi, eða ekki, í rúminu fyrir framan hann. Þó mundi hann varla eftir samförunum sjálfum. Einhvernveginn vissi hann að hún átti ekki heima þar, hvorki í eiginlegum né óeiginlegum skilningi enda þótt hún hefði verið viljug og hann hafi ekki þurft mikla fagurgala eða sannfæringakraft til að fá hana inn á herbergið með sér. Þetta var ljótt, vont og illt. Hann vissi vel að hún átti barn og eiginmann sem voru á Íslandi í heimsókn.

Við þessar hugrenningar brann sígarettan út og hann tók hennar hinsta smók. Bjórinn á borðinu var volgur og óaðlaðandi. Hann vissi að hann átti nokkra kalda bjóra inni í eldhúsi en hann hætti sér varla þangað. En fokkitt. Hann tiplaði á tánum framhjá rúminu þar sem stelpan þóttist sofa, því hann vissi að fólk sefur aldrei á ókunnugum stöðum án þess að hafa örlitla meðvitund, greip varlega í hurðarhúninn og opnaði hurðina með jöfnu átaki og brosti, því nýlega hafði hann smurt hjarirnar með WD-40 því í þeim ískraði. Á leiðinni inn ganginn fann hann sjampólykt úr einu herberginu, ilm af reykelsi úr öðru og svitalykt úr því þriðja. Þegar hann renndi lyklinum inn í skráargatið í sameiginlega eldhúsinu á stúdentagörðunum óskaði hann sér að enginn væri þar inni. Sérstaklega enginn með ilmandi nýþvegið hár að borða múslí með ferskum, nýskornum ávöxtum og heilbrigt bros. Hann óskaði sér að hann fengi bara að vera í friði frá hvunndeginum. Hann var í náttbuxum, bol sem angaði af tóbaksreyk og með stóra bauga, á leið inn í sameiginlegt eldhús á laugardagsmorgni klukkan átta að ná sér í bjór vegna þess að hann nennti ekki að horfast í augu við raunveruleikann.

Sem betur fer var eldhúsið mannlaust. Inni í hans hillu í ísskápnum lágu sex bjórar á hliðinni. Hann tók þrjá þeirra út og skrúfaði svo frá krananum, tók klakabox úr frystinum, setti nokkra klaka í glas og fyllti með vatni. Því næst setti hann bjór í sitthvorn rassvasann á náttbuxunum og hélt á vatnsglasinu og síðasta bjórnum í höndunum á leið inn í herbergið sitt.

Hann kom eins hljóðlega inn í herbergið og hann fór úr því og þakkaði enn og aftur fyrir að gangurinn var mannlaus. Vatnsglasið lagði hann á borðið við hliðina á rúmin og við hliðina á því setti hann spjald með verkjatöflum. Svo lét hann sig síga í hægindastólinn og opnaði bjórflöskuna varlega með kveikjaranum áður en hann tendraði aðra sígarettu. Hún virtist ekki rumska.

Bjórinn gekk vel niður enda var hann ískaldur. Hann minntist fyrsta afréttara síns. Þá var hann sextán ára, ný orðinn lögráða, á Þjóðhátíð í Eyjum. Þar var hann með vinum sínum sem voru nokkrum árum eldri og hann dáðist af þeim meðan þeir svolgruðu í sig volgum bjórnum, daginn eftir fyrsta kvöld hátíðarinnar, meðan hann kúgaðist við hvern sopa. En hann lét það ekki á sig fá og kláraði bjórinn og fékk sér annan til. Þá áttaði hann sig á möguleikum afréttarans. Það var eins og að mórall gærkvöldsins hyrfi meir og meir með hverjum sopanum og möguleikar komandi kvölds opnuðust í sama hlutfalli. Akkúrat þannig leið honum nú. Hann ákvað að hætta að pæla og láta hugann reika.

Hann hugsaði um konuna sem sá Jesú á ristaðri brauðsneið og bauð hana upp á e-bay; konuna sem skar typpið af manninum sínum eftir að hann nauðgaði henni og hún henti því út í buskann, aðeins svo það fyndist aftur og yrði saumað á hann svo hann gæti orðið klámmyndastjarna; Jósef Frizl; Adolf Hitler; morðið á Guðmundi Kamban og Júróvisjón. Hugrenningarnar sem verða til þegar þynnkan og afréttarinn mætast á miðri leið eru yfirleitt óhlutbundnar.

Þegar hann var hálfnaður á næsta bjór nuddaði hjásvæfan stírurnar úr augunum, dró sængina yfir ber brjóstin og bauð góðan daginn. Þegar hún sá hélað vatnsglasið brosti hún, tók tvær verkjapillur úr spjaldinu og kyngdi þeim með gúlsopa. Því næst fálmaði hún í rúminu eftir nærbuxunum sínum og fór í þær undir sænginni áður en hún bað hann um sígarettu sem hann gaf henni fúslega. Þau brostu hvert til annars en sögðu fátt. Til að létta andrúmsloftið setti hann músík á fóninn meðan hún afsakaði sig á klósettið. Í millitíðinni kláraði hann úr öðrum bjórnum og opnaði þann þriðja. Þegar hún kom aftur inn í herbergið sá hann hana standa fyrir framan sig í engu öðru en litlum nærbuxum. Hún hafði gullfallegan líkama enda þótt hún væri móðir, en brjóstin voru nokkuð sigin. Hún spurði hann hvort hann væri byrjaður að drekka aftur og hann játti því með skömmustusvip og spurði, meira í gríni en í alvöru, hvort hún vildi ekki bjór. Honum til mikillar undrunar sagði hún já og útskýrði að kallinn og barnið kæmu ekki til baka fyrr en í næstu viku, hún væri frjáls þangað til. Hann fór aftur inn í eldhús og sótt hina þrjá bjórana.

Þegar hún var búin með hálfan bjór var hann orðinn ölvaður. Þau sátu saman í hinum mestu makindum, hún á rúmbríkinni og hann í hægindastólnum og spjölluðu um gærköldið og luku við hálfkláruð samtöl gærkvöldsins þegar hún tjáði honum að samtöl væru ekki það eina hálfkláraða við gærkvöldið. Hann hefði eiginlega verið of fullur til að ríða lengi og því drapst hann áfengisdauða skömmu eftir að ríðingarnar hófust. Hann seig upp úr hægindastólnum og þegar hann lagðist við hlið hennar í rúminu fann hann fyrir því að hann hafði aftur fengið tilfinningu í tittlinginn.

Hann kvaddi hana með engu öðru en píku fulla af brundi, fyrirheitum um komandi kvöld og ósannfærandi kossi áður en hann fór á klósettið og fann þá fyrir enn meiri sting í þvarásinni og bölvaði fyrrverandi hjásvæfum í hljóði. Einn í framandi landi með ókunnri stelpu og ókunnan sting í þvagrásinni.

Ljósabekkir bannaðir fyrir árið 2027?

2009-11-11T12:25:00.002Z

Ljósabekkir verði bannaðir innan átján.

Þetta...

2009-11-04T12:59:00.001Z

... er bara fyrir þig Aggi minn!

Getraun - hverjir eru thessir thrifarar?

2009-02-21T16:16:00.002Z

Rassgat i beinni

2008-12-28T17:52:00.001Z

Tvöfaldur benzin i cola

2008-12-28T16:52:00.002Z

Óþolinmóði embættismaðurinn

2008-12-28T11:15:00.002Z

Sjö námsmenn erlendis fá neyðarlán, um 100 umsóknum var vísað frá. Þeir sem fengu lánin eru einungis þeir sem hafa aðrar tekjur en sjálf námslánin sem hafa skerst. Semsagt, þeir sem lifa á námslánunum einum saman eiga ekki möguleika á því að fá neyðarlán - aðeins þeir sem hafa einhvers konar bætur eða aðrar tekjur.

Klámbúllufastagesturinn og bæjarstjórinn íturvaxni, Gunnar I. Birgisson, er stjórnarformaður LÍN. Ég vona að næst þegar hann fellur í trans hjá nafna okkar í Krossinum frelsist hann frá þeim illu árum sem andsetja hann og hann finni jólaandann.

Ætli bæjarstjórinn sé mjög óþolinmóður þegar erlendu dansmeyjarnar glenna klofið framan í hann?

Easy Rider

2008-12-25T09:59:00.002Z

Ég vaknaði glaður í morgun eftir epískt aðfangadagskvöld í Kristjaníu. Þar sem þetta er letidagur ákvað ég að seilast í box með 100 dvd-diskum sem félagi minn lánaði mér. Easy Rider varð fyrir valinu. Þegar ég sá atriðið þar sem Jack Nicholson fær sér fyrsta sopa dagsins ákvað ég að fara inn í eldhús og ná mér í ískaldan jólabjór.

Gleðilegt jólafrí öll saman og munið orð skáldsins Páls Ólafssonar:

Betra er en bænargjörð,
brennivín að morgni dags.

Hér er hið eftirminnilega atriði:

Rannsóknarefni

2008-12-22T22:40:00.001Z

Það verður mjög áhugavert að skoða hjá Þjóðskrá eftir eitt ár hversu mörg sveinbörn verða skýrð Jón Ásgeir og Björgólfur á árinu 2009.

Alvarlegur

2008-12-12T04:01:00.000Z

Smáauglýsing

2008-12-10T15:33:00.002Z

Ath! Allir tilvonandi gjaldþrota flatskjáreigendur.

Rafmagn og hiti til leigu.
Íbúð ekki innifalin.

Áhugasamir sendi umsókn á postur@for.stjr.is
Frekari upplýsingar á stjr.is

Stjórn Íbúðarlánahússjóðsins

Tígrisdýr

2008-12-06T16:40:00.000Z

Arngrímur á afmæli!

2008-11-01T07:57:00.003Z

Minn kæri vinur Arngrímur Vídalín á afmæli í dag. Þar sem ég er ekki á landinu treysti ég því að vinir mínirJón Örn Loðmfjörð og Oddur Sigurjónsson geri honum glaðan dag.

Brandari bókmenntafræðingsins

2008-10-29T21:09:00.000Z

EXISTA í tilvistarkreppu.

Fokking fáninn

2008-10-26T00:47:00.004Z

Ég hvet til brota á heimskulegum fánalögum!

Þetta er gott pönk:

Væri ekki tilvalið að kasta þessum á bálið í leiðinni:

Ertu ekki að fokking kidda mig?

2008-10-16T19:16:00.001Z

Operation Einstein!!!

Það litla álit sem maður hafði á löggunni er nú orðið að engu. Kommon! Operation Einstein!? Give me a break.

Skáldið Geir

2008-10-10T17:23:00.001Z

Geir Haarde sýnir á sér nýja og ljóðræna hlið með hjálp snillingsins Lomma:

Kjánaprikin klúðra enn

2008-10-09T19:47:00.000Z

Þarna var Brown að ávarpa ákveðinn vettvang

Sagði Geir Haarde um viðtal við Gordon Brown á Sky-fréttastofunni. Síðast þegar ég vissi sendi Sky út um allan heim. Auðvitað má skilgreina alla jarðkringluna sem ákveðinn vettvang.

Ef Kaupþing og Glitnir hafa verið að dæla peningum frá Bretlandi og til Íslands (eða annað) á undanförnum dögum finnst mér sjálfsagt að Bretar beiti hryðjuverkalögum til að stöða þann gjörning.

Dýralæknirinn svitnaði eins og svín þegar hann laug blákalt framan í þjóðina í viðtalinu í Kastljósinu. Ég tek orð Darling fram yfir hans.

Vitskert samfélag

2008-10-08T18:33:00.001Z

Það eru pólskipti. Óskabörn þjóðarinnar steypa óskaforeldrum sínum, börnum þeirra og niðjum í skuldir um ókomin ár. Að hugsa sér. Þeir sem voru svo góðir við okkur og við svo góð við þá á meðan allt lék í lyndi. Þeir klipptu á borða og gáfu listamönnum ölmusu. Við kusum þá menn ársins og dáðumst að þeim í glanstímaritum.

Verðum við að steini ef við lítum um öxl? Sjálfur hef ég takmarkaðan áhuga á að líta við. Ekki það að ég sé hræddur við að verða að steini, mér líkar einfaldlega ekki sú sjón sem blasir við mér í baksýnisspeglinum. Borðaklippingarnar og glanstímaritin fóru alltaf í taugarnar á mér.

En hvernig líður lítilli hræddri þjóð þegar ædolin þeirra leggjast á hliðina og gefast upp (og hreinlega gufa upp í sumum tilvikum)?

Við erum stödd í miðri hringiðu siðrofs. Það veit ekki á gott en er óumflýjanlegt. Það er ekki að ástæðulausu að áfallahjálp sé í boði í neyðarskýlum því mannskepnan hefur tendens til að farga sér frekar en ella í svona umhverfi og við svona aðstæður. Það er ekkert nýtt og breytist seint. Eins sterk og við erum með byrinn í bakið þá erum við jafn veik í mótlæti. Margir hafa bent á að þessi skellur hafi verið nauðsynlegur og í raun heilbrigður. Samfélagið var vitskert og því auðsýnt að syndaflóð er þarft. Dyggðir eins og nægjusemi, aðgát og yfirvegun þóttu púkó og óþarfar. Við lifðum í lygi og vissum það flest sjálf enda kemur ástandið í dag okkur ekki jafn mikið á óvart og við viljum vera láta.

En við lærum ekkert nýtt af þessu. Við lærum aldrei neitt. Samfélagið verður alltaf vitskert. Það eina sem við getum gert er að flýja samfélagið. Helst langar mig að arka út í óbyggðirnar með ekkert nema nauðsynjar og gítarinn á bakinu og lifa af landinu.

Munum bara að elska hvert annað og að endingu læt ég fylgja með orð skáldsins Eddie Vedder:

Baunirnar sögðu mér til syndanna

2008-10-04T10:52:00.003Z

Það er áhugavert að tala við Dani um íslenska efnahagsundrið í dag. Vissulega eru þeir fullir samúðar í okkar garð en stemmningin er svolítið I told you so!

Hætt við að hætta, komin inn úr sólinni

2008-10-02T02:29:00.007Z

Eiginfjárstaða mín er frekar slæm. Skuldir mínar eru meiri en eignirnar. En það er nú kannski engin furða vegna þess að eignir mínar eru harla litlar. Fyrir utan tvær ferðatöskur sem eru hér í stofunni hjá félaga mínum, þar sem ég sef á sófanum og bækurnar mínar sem eru heima hjá Kára (vona að þú sért ekki farinn með þær á haugana Kári minn).

En ég örvænti ekki. Um næstu mánaðarmót fæ ég útborgað í dönskum krónum og er því slétt sama og sef rólegur í bili. En þangað til lifi ég eins og munkur. Nema hvað að ég mun eflaust rúkna mér og drekka bjór. Og ástunda annarslags óskunda sem munkar gera ekki að öllu jöfnu.

######

Fyrirsögin er ætluð sem blogghvatning til KST.

Ég er hætt, farin út í sólina

2008-09-27T19:27:00.000Z

Ríðum hvert öðru

2008-09-21T03:49:00.000Z

Fleetwood Mac

Abba

The Mamas and the Papas

Ég er að fíla lúkkið: "hey! af hverju ríðum við ekki öll hvert öðru og meikum samt nokkur ár saman í hljómsveit og verðum ódauðleg".

Mér finnst þessar hljómsveitir nokkuð svalar.

Sjálfsfróun

2008-09-20T19:16:00.004Z

Ef ég væri blaðamaður myndi ég hringja í tíu trúarnöttara og óska álits þeirra á sjálfsfróun.

Ég þykist nokkuð viss um að allavega Gunnar í Krossinum og biskupinn séu frekar á því að menn eigi ekki að flengja apann og konur ekki að hrista rottuna.

"Drullast burt Kristinn. Fokking sandnegrasleikja."

2008-09-19T16:46:00.005Z

Ungir frjálslyndir hvetja Kristinn H. Gunnarsson til að segja af sér þingmennsku. Neðst í yfirlýsingunni stendur:

Fyrir hönd Ungra frjálslyndra

Viðar Guðjohnsen
Formaður Ungra frjálslyndra

Þetta þykir mér dálítið sérkennilegt. Þessi yfirlýsing er í nafni Ungra frjálslyndra og því alger óþarfi að formaðurinn þurfi sérstaklega að skrifa undir og minna á nafn sitt. Annað hvort er hann einn í þessum samtökum eða þá er hann með annarlega komplexa. Annað þarf þó ekki að útiloka hitt.

AIG í vaskinn

2008-09-18T16:57:00.002Z

Þá hefur Kaninn þjóðnýtt AIG sem er aðal sponsor Manchester United knattspyrnuliðsins. Samkvæmt wikipedíunni er þetta fyrirtæki það 18. stærsta í heiminum. AIG stendur fyrir American International Group. Á einhvern undarlegan hátt hef ég alltaf staðið í þeirri trú að þetta væri fyrirtæki sem framleiddi klósett og vaska. Kannski vegna þess að þessi lógó eru óþarflega lík:

The Ring

2008-09-18T07:50:00.002Z

Fyrsta myndin

Framhald?

Saumi saumi saumi í smett

2008-09-17T13:01:00.000Z

Ég er að pæla í að fara í klippingu núna á eftir. Ég sá í gær stað í götunni minni sem auglýsti herraklippingu á 125 kall. Ekki slæmur díll! Annars er ég að hugsa um að slá tvær flugur í einu höggi og biðja þann sem klippir mig að kötta á sauminn sem ég er með í andlitinu.

Fyrir viku síðan dúndraði einhver mongólíti flösku í smettið á mér og nú sit ég uppi með glóðarauga og skurð sem þurfti að sauma í gagnauganu. Þetta gerðist fyrir utan Ölstofuna strax eftir lokun á miðvikudaginn. Eftir því sem ég best veit var árásin tilefnislaus en það getur svo sem vel verið að ég hafi rifið kjaft og átt þetta skilið. Allavega sá ég ekki hver negldi flöskunni á fallega andlitið mitt.

Nú er vika liðin síðan læknirinn á Slysó saumaði mig. Sökum ölvunar man ég ekki hvað ég átti að hafa sauminn lengi. Veit það einhver? Er vika nægur tími?

Annars er spítali ekki svo langt frá mér og mér er tjáð að þar sé engin bið og allt sé ókeypis. Danmörk rúls!

Malmö

2008-09-16T15:34:00.002Z

Nú er rigning í Köben og ég hangi inni hjá félaga mínum, sötra öl og horfi á gömul tónlistarmyndbönd í flakkaranum hans á 47" skjá. Á meðan geysa skotárásir á fyrir utan en ég er öruggur inni í hlýjunni. Fyrsta myndbandið sem ég setti á var Hjálpum þeim. Mjög nostalgískt og allt það, en hver í andskotanum syngur línuna: "sem öllu myrkri getur eytt"? Hann er með djöfull svala rödd en ég kem andlitinu ekki fyrir mig. Annars er ég að hugsa um að kíkja til Svíþjóðar í vikunni. Ég hef aldrei komið í þetta fyrirmyndarríki sósíaldemórkatismans svo ég er hálf spenntur. Eða ætti ég kannski að vera stressaður eftir lestur kommentakerfis Egils? Eru ekki sjaría-lög þarna í þessu musteri umburðarlyndisins? Ég sendi Viðari Guðjohnsen ferðasöguna.

Kominn til Köben

2008-09-15T16:53:00.000Z

Nú lifi ég ljúfa lífinu í Köben, sötra öl og glápi á imbann. Ég stend aðeins frammi fyrir einni stórri ákvörðun; hvernig heilalausa vinnu á ég að fá mér. Buger King eða McDolalds eru örugglega til í að ráða mig.

Að endingu legg ég til að Amy Winehouse verði lógað hið fyrsta.

Bring out the gimp

2008-08-31T16:13:00.003Z

Stephen Hibbert lék hið ógleymanlega 'Gimp' í "Pulp Fiction".

Hann var áður giftur leikkonunni Juliu Sweeney sem lék í "Saturday Night Live" og skapaði þar kynlausu persónuna 'Pat'. Þau hjónin gerðu svo í kjölfarið kvikmyndina "It's Pat" sem er í 99. sæti yfir 100 verstu myndir allra tíma að mati kjósenda imdb.com.

Dr. Julius Hibbert, læknirinn í "The Simpsons" er skírður í höfuðið á þeim hjónum Juliu og Stephen.

Falleg fyrirsögn

2008-08-30T17:07:00.003Z

Þessi fyrirsögn á dv.is er æðisleg:

Kókaín í endaþarmi og kannabis á busaballi

Hún er eitthvað svo ljóðræn og fallega stuðluð.

Heitur Teitur?

2008-08-29T20:41:00.003Z

Wannabe intellektúalinn Teitur Atlason gegnir sama hlutverki fyrir Jónas Kristjánsson og Ágúst Borgþór gegnir fyrir Egil Helgason.

Þó ég sé sammála mörgu sem maðurinn segir er stundum óþolandi að lesa hann. Ég fyrirgef mörgum málfars- og stafsetningarvillur en þoli illa þegar fólk setur ekki punkt í lok setninga og hefur ekki setningar með stórum staf. Svo er ég ekki hrifinn af ofnotkun feitletranna. Teitur er ólíkur StebbaFr að því leiti að hann setur fram sjálfstæðar og oft vel ígrundaðar skoðanir á meðan Stebbi umritar fréttir. En Teiti er það tamt að umrita sínar eigin færslur og setja inn átján stykki í röð um nákvæmlega sama efnið.

Annars fíla ég lúkkið á síðunni hans og óska Jónasi til hamingju með þennan nýjasta taglhnýting sinn.

Dauðadráttur

2008-08-28T20:27:00.001Z

Í íþróttafréttum áðan var greint frá því að í dag var dregið í riðla í meistaradeildinni. Fréttamaðurinn kallaði sterkasta riðilinn dauðariðil.

Dauðariðill gæti líka þýtt náriðill - sá sem ríður dauðum. Semsagt, þú getur fengið drátt og lent í dauðariðli.

Necrófílía og íþróttafréttamenn er skemmtileg blanda.

Typpi

2008-08-27T16:40:00.004Z

Á vísindavefnum er áhugaverð grein um umskurð karla. Þar er meðal annars þessu klausa:

Rök foreldra sem ákveða að láta umskera son sinn snúast yfirleitt um trú, hefðir eða tilfinningar, og á vesturhveli eru það langoftast tilfinningarnar sem ráða ferðinni. Til að mynda vill faðirinn oft að sonurinn hafi eins typpi og hann.

Hmmm... vill faðirinn að sonurinn hafi eins typpi hann!? Þetta þykir mér dálítið skrýtið. Pabbi minn hefur að minnsta kosti aldrei talað sérstaklega um líkindi typpa okkar.

Á vefnum kemur einnig fram að 60% bandarískra sveinbarna séu umskornir enn þann dag í dag. Djöfull er kaninn heimskur.

Kenny G. og Michael Bolton

2008-08-27T12:55:00.003Z

Hvorum ætti að lóga fyrst?

Heimkoma

2008-08-26T22:10:00.001Z

Ég held að það séu töluverðar líkur á því að Paul fái að ríða í kvöld.

Býður við býfum

2008-08-24T00:55:00.004Z

Þetta gerði útslagið. Það er ekki nóg með það að ég þurfi að hanga aleinn og yfirgefinn í vinnunni á menningarnótt og það á fokking Hellu! Dagurinn er gjörsamlega ónýtur. Og á svona skítadegi þá þarf Guttesen að sýna þessa viðbjóðslegu mynd af úldnum býfum sínum og láta mig missa matarlystina.

Kristian, ég mun aldrei lesa stakan staf eftir þig framar.

Mannslát(run)

2008-08-23T19:36:00.004Z

Ef þú stútar einhverjum í ammrískum glæpaþáttum, þá er best að vera dæmdur fyrir manslaughter. Það þýðir víst að þú drapst einhvern óvart.

Manslaughter eða mannslátrun er sérstakt orð. Einhvernveginn finnst mér hæpið að einhver slátri einhverjum alveg óvart.

Algert hneyksli

2008-08-23T01:18:00.004Z

Þetta er sláandi frétt á dv.is. Hún er svohljóðandi:

Geðfatlaður fer í fangelsi

Jónas Gunnarsson var dæmdur til að greiða 185 þúsund króna sakarkostnað sem hann má ekki borga. Hann verður að sitja sektina af sér innan veggja fangelsisins.

Jónas var dæmdur í fimm mánaða fangelsi fyrir að hafa í tvígang stolið sér til matar í febrúar síðastliðnum. Jónas stal meðal annars bollasúpu sem kostaði 250 krónur í 10-11. Hann er sviptur fjárræði og sjálfræði og hefur átt við geðræn vandamál að stríða um langt skeið.

Það er náttúrulega algert hneyksli að bollasúpan sé komin upp í 250 kall! Ég á ekki orð.

Stílbrot öfgasinnaða þjóðernissinnans

2008-08-20T22:46:00.004Z

Viðar Gudjohnsen samþykkti beiðni mína um að gerast vinur minn á feisbúkk. Ég skoðaði prófælinn hans girndaraugum og bjóst við að finna eitthvað safaríkt. Mér varð heldur betur að ósk minni. Þegar ég renndi yfir status-öppdeitin hjá honum kom eftirfarandi í ljós:

Vidar is enjoying his nationality. 2:55pm

Vidar is proud of his nationality. 10:35pm

Vidar er að hlusta á ABBA. 8:26pm

Ég veit ekki með ykkur en mér finnst þetta dálítið krípí.

Eins rödd?

2008-08-20T01:18:00.004Z

Er það vitleysa í mér eða eru Vilhjálmur Egilsson og Steingrímur Hermannsson með nákvæmlega eins rödd?

Gáfaðasta fólk í heimi

2008-08-18T16:06:00.003Z

Þetta er áhugaverður listi yfir "the 100 most important living public intellectuals".

Það kemur ekki á óvart að Chomsky sé á toppnum. Hins vegar kemur á óvart að á listanum eru aðeins átta konur. Naomi Klein er efst þeirra í ellefta sæti. Zizek er í 23. sæti - hélt að hann yrði ofar. Svo er óskiljanlegt að Paul Wolfowitz sé yfir höfuð á listanum. Hann er í 19. sæti, ofar t.d. Fukuyama, Coetzee og Júlíu Kristevu.

Jesús Jólafasta

2008-08-18T01:27:00.002Z

Nú stendur yfir leikur Ísland og Egyptalands á Ólympíuleikunum. Einn besti leikmaður Egypta heitir Mohamed Ramadan.

Ætli Jesús Jólafasta muni einhvern tímann leika fyrir íslenska landsliðið?

Ástþór Magnússon

2008-08-17T16:15:00.003Z

Þetta er stórkostleg lesning. Það er alltaf jafn gaman af því þegar menn skrifa sjálfir um sig á wikipedíu. Ástþór skrifar meðal annars þetta:

Ástþór Magnússon stofnaði samtökin Frið 2000 árið 1995 eftir að hafa orðið fyrir andlegri hugljómun árið 1994, þá liðlega fertugur að aldri.

Það má með sanni segja að 'enginn er spámaður í sínu heimlandi' um Ástþór Magnússon, því hann varð fyrir miklu mótlæti á Íslandi eftir að samtökin hófu starfsemi og byrjuðu að kynna hugsjónina um Ísland sem fyrirmynd annarra landa í friðarmálum.

Hugmyndir Ástþórs áttu á þeim tíma ekki upp á pallborðið hjá æðstu stjórnendum þjóðarinnar sem vildu kveða í kútinn óþægileg mótmæli Ástþórs og Friðar 2000 gegn undirlægjuhætti þeirra við ógnvænlega stríðsæsingastefnu Bandaríkjanna. Ástþór hefur ítrekað verið sannspár um hættuna af þessari stefnu og spáði m.a. fyrir um hryðjuverkin 11. September 2001 í sjónvarpsviðtali á Stöð2 mörgum mánuðum áður en það gerðist.

Þrátt fyrir að hafa verið nær lagður í einelti með rógburði í fjölmiðlum, fjáröflunarstarfi lokað með ólögmætum hætti, handtekinn og settur í fangelsi fyrir það eitt að vara við augljósri hættu á hryðjuverkum gegn Íslenskum flugfélögum ef þau yrðu notuð til vopnaflutninga til Mið Austurlanda eins ríkisstjórnin ætlaði að gera þar til Ástþór flautaði á málið, hefur Ástþór verið trúr sinni hugsjón og haldið ótrauður áfram.

Faggi

2008-08-17T15:47:00.000Z

Þegar ég var lítill voru hommar kallaðir faggar. Það heyrist ekki lengur.

Britney puttar Paris í rassgatið - myndir

2008-08-17T00:08:00.003Z

Og Lindsay horfir ábúðarfull á...

Þessi færsla er bara fyrir þig, elsku Tinna mín.

Luv, brói.

Pólitík

2008-08-15T21:29:00.001Z

Pólitíkin er undarleg tík. Þessa dagana finnst mér hún samt meiri kunta en tík.

Svarthöfði

2008-08-15T14:42:00.001Z

Svarthöfði dagsins fær tvö rokkstig fyrir pistilinn sinn í dag. Þar segir meðal annars:

Annars virðist ekkert athugavert við að vanhæft fólk komist til áhrifa í borginni. Listinn er orðinn langur og nú er trésmiðurinn Óskar Bergsson skyndilega orðinn annar valdamesti maður borgarinnar, eftir að hafa verið jarðaður af Kuta-Birni Inga í prófkjöri. Óskar er dæmigerður annars flokks stjórnmálamaður sem kemst áfram á því einu að hanga nógu lengi inni en bar gæfu til þess að velja sér Framsóknarflokkinn sem vettvang en sá flokkur hefur reynst þessari manngerð einstaklega heilladrjúgur í gegnum tíðina. Enda leitun að jafn fjölmennri hjörð meðalmenna og fyrirfinnst í þeim flokki.

Stuðningsyfirlýsing

2008-08-13T18:16:00.005Z

Ég lýsi hér með yfir fullum stuðningi við þetta blogg. Mér finnst dd æðisleg.

Ég bíð spenntur eftir því að hún taki fyrir íslensk celeb.

Svo finnst mér að StebbiValdi sé ágætlega geymdur í Noregi.

Hvar er Selfoss?

2008-08-13T16:34:00.002Z

Ég veit hvar hnakkabærinn Selfoss er, en hvar er þessi foss sem hann er kenndur við? Er mikið af selum þar?

Farinn

2008-08-12T21:30:00.003Z

Ég hef ákveðið að kveðja Skerið um hríð. Ætlaði að kaupa mér flugmiða 11. september en hann var svo andskoti dýr svo ég fer þann 13.

Það kemur kannski ekki mörgum á óvart að áfangastaðurinn er Kaupmannahöfn. Mig dreymir um að fá útborgað í öðrum krónum en íslenskum og kaupa ódýran mat og bjór.

Ég kem í bæinn í byrjun næsta mánaðar svo þið Reykjvíkurrottur hafið tæpar tvær vikur til að hitta mig og kyssa og knúsa.

Ljóð á mjólkurfernu

2008-08-09T21:29:00.004Z

Hvað er að vera ég?

Að vera ég er eins og að vera
sólin fyrir ofan fjöllin.
Að vera ég er eins og að vera
skjærasta stjarnan á himnum.

Að vera ég er eins og að vera
rauðasta rósin í beðinu.
Að vera ég er eins og að vera
fallegasti hesturinn í stóðinu.

Það er ekkert annað.

Skólakrakkar semja þessi ljóð. Maður mætti ætla að Kári Egilsson hafi samið þetta - ef honum kippir í kynið.

Glæsileg en fallin

2008-08-09T01:52:00.003Z

Ég fékk samúðarverk í hnéð þegar Ragna Ingólfsdóttir sneri upp á fótinn á sér og varð að hætta keppni á Ólympíuleikunum nú rétt áðan.

En mér er skítsama þótt hún hefði hvort eð er skíttapað. Það er bara svo gaman að fylgjast með henni, hún er svo þokkafull og glæsileg.

Ég vona innilega að hún hafi ekki meitt sig og ég verð að segja að þessi fyrrverandi skólasysitir mín var MS (og þjóðinni) til sóma í nótt.

Bónorð

2008-08-08T21:55:00.003Z

Samkvæmt DV er StebbiFr með 2.923 kr. í mánaðarlaun. Ég ætla að biðja hann að giftast mér svo ég geti nýtt mér persónuafsláttinn hans.

Hátíð í Krossinum

2008-08-07T23:07:00.003Z

Krakkarnir slá á létta strengi undir Davíðsstjörnunni í Krossinum.

Ég hef aldrei almennilega skilið af hverju kristnir vestrænir trúarnöttarar þrá það heitast að vera taglhnýtingar gyðinga. Mér finnst þeir eiga meira sameiginlegt með strangtrúuðum afturhaldssinnuðum kaþólikkum.

Annars óska ég hommahöturunum í Krossinum til hamingju með Hinsegin daga.

Líkingar

2008-08-07T19:59:00.003Z

Þessa stundina er ég að brjóta saman þvott og horfa á Val spila gegn Fylki á Stöð 2 Sport. Nú er hálfleikur.

Íþróttafréttamaðurinn Hörður Magnússon sagði í lýsingunni að Valsmenn væru stálheppnir en jafnframt öskufljótir.

Ekki vissi ég að stál væri heppnara en aðrir málmar. Síðan hefur mér aldrei fundist aska neitt sérstaklega fljót.

Vísbending II

2008-07-29T18:04:00.004Z

Djöfulsins vitleysa! Aggi er sá eini sem er búinn að svara. Er fólk ekki forvitið um hvaða fyrirmenni á þessa geirvörtu?

Eigandi geirvörtunnar er rithöfundur. Eftirfarandi textabrot er úr einu verka hans:

Þau hittast alltaf á sömu kaffistofunni í iðnaðarhverfi í austurhluta borgarinnar. Einhvern tíma var það af góðri og gildri ástæðu en hann er búinn að steingleyma hver sú ástæða var.

Ég ítreka að kvöldstund með mér auk bjórkippu er í verðlaun. Spurt er, hver er eigandi þessarar geirvörtu? (Sjá neðar á síðunni)

Vísbending

2008-07-29T16:54:00.002Z

það stendur á svörunum í getraun dagsins. Hér kemur lítil vísbending:

Eigandi geirvörtunnar er þjóðþekktur einstaklingur. Ennfremur er hann miðaldra.

Getraun - vegleg verðlaun!

2008-07-29T14:29:00.000Z

Spurning dagsins er einföld. Hver á þessa geirvörtu?

Sá/sú sem svarar fyrst rétt hér í kommentakerfinu vinnur kvöldstund með mér og kippu af bjór.

Gáfumenni og bóhem

2008-07-29T13:53:00.000Z

Á Hellu er enginn Næsti Bar. Og hvað gerir maður þegar maður kemst ekki á Næsta Bar? Jú, þú lætur Næsta Bar koma til þín.

Óli Sindri og Lommi koma í kvöld. Kindaþjófar og kaupakonur ættu að vara sig.

Hvað er málið með skyr?

2008-07-29T11:38:00.000Z

Hvað er svona merkilegt við skyr?

Er bara hægt að búa til skyr úr mjólk sem kemur úr íslenskum beljum? Er bara hægt að búa til skyr á íslandi?

Er skyr ekki bara jógúrt? Hver er munurinn?

Tekur undir með sjálfum sér

2008-07-29T08:54:00.002Z

Að öðrum þáttum löstuðum er Landsbankamörkin á Stöð 2 Sport besti íslenski þátturinn í sjónvarpi um þessar mundir. Það er frábært að fá öll helstu atriði hverrar umferðar strax á skjáinn auk vandaðar umfjöllunar.

Margir hafa í gegnum tíðina sett spurningarmerki við greind íþróttamanna og þá sérstaklega knattspyrnumanna. Áhugavert er þó að það á almennt ekki við um knattspyrnukonur. Þær virka flestar bráðgáfaðar. Iðulega klifa lýsendur í sjónvarpi á því að íslenskar knattspyrnukonur séu annað hvort læknar eða verkfræðingar.

En hvað um það. Landsbankamörkin er góður þáttur. Vissulega tekur það á að láta málfarsvillur sem vind um eyru þjóta og þykjast ekki taka eftir þeim. Ég er oft upptjúnaður eftir að mitt lið, Breiðablik, hefur leikið og vil því fylgjast vel með umfjölluninni í kjölfarið. Þá verður maður að stilla hugann af og láta heimskulegt orðfærið ekki fara um of í taugarnar á sér.

Það væri lítið skemmtanagildi í því að telja upp þær málfarsvillur sem ég heyrði í viðtölum kvöldsins enda þótt að þar sé um auðugan garð að gresja. Þess í stað læt ég orð Magnúsar Gylfasonar meðfylgjandi:

Ég tek undir þau orð sem ég sagði í síðasta þætti.

Naomi sýgur ríkan Rússa - myndir

2008-07-28T18:14:00.006Z

Naomi sýgur ríkan Rússa - myndir

Nú bíð ég spenntur eftir því að þessi frétt verði sú mest lesna á vísi.is.

En antiklímaxið var mikið þegar í ljós kom að hún var ekki að sjúga á honum typpið, aðeins varirnar.

Madonna

2008-07-24T14:09:00.002Z

Madonna heitir fullu nafni Madonna Louise Ciccone Ritchie. Ég hélt alltaf að Madonnunafnið væri aðeins sviðsnafn. Magnað.

Enda þótt hún sé fjórum árum eldri en mamma mín, myndi ég ekki hika við að negla hana ef það stæði mér til boða.

Lausnir felast í því að leita lausna

2008-07-23T16:33:00.004Z

Það er ljótt að sparka í liggjandi mann – og hvað þá að bíta í nefið á honum, en ég stenst ekki mátið.

Eftir 6-1 tapleikinn gegn Breiðabliki sagði Guðjón Þórðarson í viðtali Stöð 2 Sport:

Lausnir felast í því að vinna og leita lausna.

Ég vissi að Guðjón væri skarpur og snotur en ég gerði mér ekki grein fyrir því að hann væri svona djúpur. Lausnir felast í því að leita lausna. Það á ekki að reka menn sem búa yfir greind af þessu tagi.

Orri Freyr Hjaltalín sagði sama kvöld:

Það skóp þennan sigur í dag.

Afskaplega finnst mér gaman þegar menn velja frekar sterkbeygingu sagna ef kostur gefst, ´skóp´ er miklu fallegra en ´skapaði´. Það er synd að sterk sagnorð séu lokaður orðflokkur.

Söknuður

2008-07-18T18:06:00.003Z

Ég sakna Reykjavíkur. Ég sakna líka vina minna. Sumir þeirra hafa þó verið duglegir við að koma og heimsækja mig hingað á Hellu.

Ó þið, Ölstofan og Næsti Bar. Ég sakna ykkar líka. Og dagdrykkjan maður, úff. Engin dagdrykkja í næstum tvo mánuði. Ekkert öl á Austurvelli í hádeginu. Sem betur fer er sumarið bráðum búið og þá get ég tekið upp fyrri iðju.

Hjá mér er enginn föstudagsfílingur. Ég þarf að vinna eins og möðerfokker allan daginn í dag rétt eins og alla daga.

En fyrir ykkur hin þá mæli ég með smá Elvis Costello. Hann kemur ykkur í djammfílínginn.

Stríðnispúka dreymir um kristshland

2008-07-17T16:49:00.003Z

Áðan kom upp smá púki í mér og ég stríddi Gústa vegna innsláttarvillu sem hann gerði. Mér á eflaust eftir að hefnast fyrir það, sem er mjög slæmt því mest af öllu hræðist ég málvillur. Næst mest hræðist ég póst-módernisma og þar á eftir randaflugur.

Hera trúbbast í Oddakirkju í kvöld. Kannski að maður skelli sér.

Má drekka bjór í kirkjum? En ef ég kalla hann hland krists?

Góð skyndiákvörðun

2008-07-12T18:13:00.001Z

Ég er búinn að vera algerlega fastur hér á hótelinu síðan í lok maí og vinna á hverjum einasta degi eins og möðerfokker. Eftir vinnu í gærkvöldi fór ég í göngutúr. Það er það eina sem hægt er að gera hér á Hellu sér til skemmtunar. Ég gekk yfir brúna með poka á bakinu og heyrnatólin á eyrunum. Þá hugsaði ég með mér: „Fokk itt – ég er farinn“. Fyrr um daginn frétti ég að Sprengjuhöllin og Rottweiler væru með tónleika á Selfossi. Ég staldraði við og setti út puttann og viti menn. Fyrsti bíllinn sem ég sá stoppaði fyrir mér og skutlaði mér á Selfoss. Tónleikarnir voru fínir og kvöldið frábært. Í nótt skutluðu tveir kanar mér aftur á Hellu.

En í kvöld kemur klímaxið. Megas og Senuþjófarnir á Stokkseyri. Ég get ekki beðið.

Villingar

2008-07-12T14:20:00.001Z

Þegar ég var lítill strákur var ég alltaf hræddur við villingana í hverfinu. Enda ólst ég upp í Breiðholti.

Í dag heyrir maður aldrei talað um villinga. Ekki nema kynvillinga.

Rassasveittur borgari

2008-07-11T17:57:00.002Z

Þessi mynd er tileinkuð Rassaboru.

Einfalt og gott í sveitinni

2008-07-11T15:22:00.000Z

Hér á Hellu er engin Endurvinnsla og engin Sorpa. En hér er skúr sem er opinn tvisvar í viku þar sem gamall kall tekur við tómum dósum og flöskum. Kallinn telur flöskurnar svo engin þörf er fyrir að sortera þær. Eins eru gámar í jaðri bæjarins þar sem hægt er að losa sig við sorp og annan úrgang. Svæðið er ekki afgirt og er því hægt að athafnast þar allan sólahringinn. Ekki þarf að greiða sérstakt gjald fyrir þessa þjónustu.

Hvílíkur munur!

Er ég til?

2008-07-11T13:07:00.001Z

Í athugasemd við síðustu færslu er ég sakaður um að vera ekki til. Það er mesta hrós sem ég hef fengið lengi.

###

Ég hef aldrei verið háður bloggi. Í raun byrjaði ég ekki að lesa blogg fyrr en síðasta haust þegar ég vann næturvaktir fyrir framan tölvuna. Það hefur aldrei verið vandamál fyrir mig að sleppa blogglestri í nokkra daga fyrr en nú. Í dag er ég gjörsamlega háður Jónasi Kristjánssyni. Ég verð að fá minn skammt af Jónasi með morgunkaffi. (Og raunar líka með hádegis-, kvöld- og miðnætursnarlinu því Jónas bloggar svo oft á dag.)

Símafyrirtækið sem vildi vita hver skeit á hausinn á því

2008-07-10T16:33:00.005Z

Við lifum á undarlegum tímum. Mætur maður sagði eitt sinn að módernismi væri menningarstefna en póst-módernismi menningarástand. Pönkið, anarkisminn og súrrealisminn breyttu miklu í menningu þjóðarinnar fyrir hart nær þremur áratugum og hristu vel upp í stoðum samfélagsins. Nú er pönkið snúið aftur í annarri mynd. „Skítt með kerfið“ segir alþjóðlegt stórfyrirtæki í símaauglýsingu.

Kúkum á kerfið / Skítt með kerfið. Hver er munurinn á kúk og skít? Hver er munurinn á símafyrirtækjunum? Harla lítill, svipaður og á kúk og skít. Eflaust er þessari auglýsingu beint gegn Símanum og hann á að tákna „kerfið“. Almenningur gerir ekki greinarmun á þessum fyrirtækjum. Síminn er ekkert meira „kerfi“ en Vodafone.

Ef Vodafone hefði verið til 1982 hefðu Bjarni móhíkani og félagar líka kúkað á það fyrirtæki rétt eins og allt kerfið.

Við lifum á undarlegum tímum. Öllu er snúið á haus og allt er á röngunni. Er auglýsingamennska gengin af göflunum? Er símafyrirtæki virkilega að biðja almenning að gefa skít í sig?

Þó er eitt jákvætt við þessa auglýsingu; afskræming íslenska fánans. Fánadýrkun er heimskuleg og ýtir undir þjóðernisrembing.

Enn meira egórúnk

2008-07-08T10:24:00.002Z

Talandi um egórúnk. Hrokkinhærði ístrubelgurinn segist vera stjarna. Það er mjög sjaldgæft að frægt fólk segist sjálft vera stjörnur. Það eru helst týpur eins og Leoncie, Herbert Guðmundsson og Silvía Nótt sem segja það sjálf opinberlega. Kannski á Egill bara ágætlega heima í hópi með þeim félögum.

Egórúnk

2008-07-06T15:51:00.001Z

Ég held að það sé hollt að rúnka egóinu annað slagið. Í dag gúgglaði ég mér og ýmislegt skemmtilegt kom í ljós. Eins og þetta, og svo fann ég líka þetta. Ég tek það þó fram að ég er ekki höfundur þessa yndislega ljóðs.

Heimsborgarar og lífskúnstnerar

2008-07-04T19:39:00.004Z

Þótt það sé urmull bráðgóðra kaffihúsa hér í Madrid...

Ég held ég gubbi næst þegar ég heyri þessa setningu.

Annars hafa mér alltaf þótt orðin heimsborgari og lífskúnstner frekar niðrandi. Enda eru þau iðulega sögð í napuryrtum tón. Líka kannski vegna þess að fyrstir sem koma upp í hugann eru menn á borð við Ármann Reynisson og Kristinn R..

Vélmenni

2008-07-04T13:21:00.001Z

Stebbifr í dag:

Mannlega taugin í mér allavega fær mig til að skrifa um þetta mál.

Aha! Þarna kom Stebbi upp um sig. Hann upplýsir að hann hafi eina mannlega taug. Það staðfestir grun minn um að Stebbi sé einhvers konar blanda af manni og vél, þó mestan part vél. Vél sem umritar fréttir og setur fram formúlukenndar og fyrirsjáanlegar skoðanir.

Almenningur er handónýtt drasl

2008-07-03T18:39:00.002Z

Almenningur í þessu landi er handónýtt drasl. Við erum ömurlegar rolur og liðleskjur. Ef við hefðum einhvern manndóm í okkur þá hefði annar hver maður lagt niður vinnu á höfuðborgarsvæðinu í dag og við fjölmennt upp í Leifsstöð. Þar hefðum við myndað mannlegan skjöld og lokað flugvellinum og lamað starfsemi þar. Þannig hefðum við komið í veg fyrir að Paul Ramses yrði sendur úr landi. Síðan hefum við öll farið á Rauðarárstíginn og krafist beinnar íhlutunar utanríkisráðherra.

En því miður er langt þangað til eitthvað þessu líkt gerist á Íslandi. Líklega ekki fyrr en ef Paul verður sendur aftur til Kenýa þar sem hann á eftir að „hverfa“.

Þá hafa margir blóð á höndum sér. Sérstaklega viðbjóðslegu fasistarnir hjá Útlendigastofnun og ráðherrann, yfirmaður þeirra.

Sólarsteypibað

2008-07-03T17:56:00.000Z

Í gærkvöldi sat ég við bakka Ytri-Rangár og leyfði kvöldsólinni að roða kinnarnar. Ég kom mér fyrir á þægilegum stað og sötraði bjór og hlustaði á snillingana í Hjaltalín í æ-podnum. En þetta sólbað var einstakt. Á meðan sterk kvöldsólin skein á mig, byrjaði að rigna eins og hellt væri úr fötu. Og þarna sat ég í fimmtán stiga hita í sólbaði og heitri sturtu.

Kannski er þetta alvanalegt hérna í sveitinni, en ég hef aldrei upplifað annað eins. Þetta var yndislegt.

Fokking bankinn

2008-06-30T16:51:00.001Z

Bankinn minn er frábær! Hann fellir krónuna og lækkar þannig launin mín og hækkar um leið verðið á þeim vörum sem ég kaupi. En það skiptir ekki máli því hann bauð mér í bíó.

Á ég að rífa miðana og sturta þeim niður í klósettið? Eða vill einhver eiga þá?

Sá/sú sem vill tvo miða á Mamma Mia í Laugarásbíói á fimmtudaginn klukkan átta, má hafa samband við mig.

Tussuklifun

2008-06-29T15:24:00.002Z

Kári Páll kallaði mig dónakarl áðan vegna þess að ég klifaði á orðinu tussa í síðustu færslu.

Ef orðunum "Gunni tussa" er gúgglað, kemur þessi síða fyrst upp.

Það þykir mér dálítið skemmtilegt.

Tussa

2008-06-28T16:16:00.003Z

Ég hef verið að gæla við þá hugmynd að færa mig af blogspot og stofna mitt eigið lén. Fyrst athugaði ég hvort www.tussa.is væri laust og svo reyndist vera. Hins vegar er það upptekið í noregi.

Norsku tussuna má sjá hér. Hún reyndist vera orkufyrirtæki.

Íslensk orkufyrirtæki eiga það einnig til að vera tussur.

Bensínlítrann í 200 kall

2008-06-26T11:36:00.002Z

Mér finndist eðlilegast að almenningur greiddi 200 kall fyrir bensínlítrann. Það væri ágætt að miða við að bensínlítrinn væri tvöfalt dýrari en mjólkurlítrinn.

Fólk verður að átta sig á því að einkabíllinn er munaður en ekki sjálfsögð lífsgæði. Það er auðveldlega hægt að komast af án einkabílsins og bruðlið með bensín er alltof mikið. Fólk keyrir stuttar vegalengdir sem auðveldlega er hægt að labba eða hjóla. Einnig samnýtir fólk ekki bíla og tekur ekki strætó.

Tryggingar eru rándýrar. Það er fáránlegt að sá sem keyrir 5.000 km á ári greiði jafn mikið í tryggingar og sá sem keyrir 30.000 km á ári. Auðvitað ættu tryggingar að miðast við akstur. Sá sem keyrir sex sinnum meira en annar er líklegri en hinn að valda tjóni.

Þeir sem búa á þéttbýlissvæðum og verða að eiga bíla ættu að setja sér það markmið að keyra ekki meira en 5.000 km á ári. Það ætti að vera lítið mál að ná því markmiði.

Heimskreppan ásamt barnalegri íslenskri efnahagsstjórn er kannski bara gott mál. Vonandi á kreppan eftir að kenna okkur að við verðum að aðlagast umhverfinu á annan máta en við höfum tamið okkur hingað til. Við þörfnumst aðhalds frá sjálfum okkur og við verðum að hætta að bruðla. Það kemur bæði fjárhagnum okkar og umhverfinu til góða.

Annars er mér persónulega skítsama um bensínverð og tryggingar þar sem ég borga ekki krónu í hvort tveggja.

Skynsamur nýfrjálshyggjuplebbi

2008-06-25T15:59:00.002Z

Ég á til með að benda á þennan pistil eftir nýfrjálshyggjuplebbann Pawel. Þarna talar hann af mikilli skynsemi og hittir naglann svo sannarlega á höfuðið.

Annars held ég að netið sé mjög mikilvægt málþróuninni. Netið gerir það að verkum að í landinu eru í raun tvö tungmál. Netmálið er frábrugðið því hefðbundna að því leyti að það er miklu opnara. Í því verða til nýjar orðmyndir myndaðar úr því hefðbundna og nýjum orðum er mun greiðari leið inn í það en í hefðbundna tungumálið.

Því tel ég að það sé í raun lítil sem engin ógn sem stafar af slangri, styttingum og afbökunum í netmálinu því hið hefðbundna tungumál lifir sínu eigin lífi samhliða netmálinu. En auðvitað hafa tungumálin tvö snertifleti og þau skarast. Ef orð færist frá netmálinu yfir í það hefðbundna verður það að lúta reglum þess.

Sem áhugamaður um íslenska tungu fagna ég fjölbreytninni og lofa netmálið.

Garðskálinn

2008-06-24T16:47:00.002Z

Besti Garðskálinn til þessa. Samband miðaldra karlmanna og ungskálda er efni sem getur ekki klikkað.

Kærleiksísbirnir

2008-06-23T18:53:00.002Z

Þórhildur Halla gaf mér dvd-disk með Kærleiksbjörnunum í afmælisgjöf um daginn. Kannski maður sendi Þórunni umhverfisráðherra diskinn og vona að hún verði tregari við að gefa út skotleyfi á björninn eftir áhorfið.

Jónsmessunótt

2008-06-23T16:15:00.004Z

Ef þið sjáið berrassaðan dreng velta sér upp úr dögginni við bakka Ytri-Rangár í nótt, þá mun það væntanlega vera ég.

Fokk, diss og rúnk

2008-06-22T12:47:00.007Z

Það hefur verið minn skilningur - hingað til að minnsta kosti - að talsmáti ungs fólks smitaði helst niður fyrir sig. Það er að segja að þeir yngri apa eftir þeim eldri. Mér sýnist þetta blessunarlega vera að breytast.

Tveir afar áhrifamiklir spekingar, annar háaldra og hinn miðaldra hafa nú auðgað orðaforða sinn.

Jónas segir á einum stað að háskólaprófessor „fokki upp“ fræðunum og á öðrum stað talar hann um að fólk „dissi“ poppara.

Egill skrifaði um daginn um „hóprunk“ bankastjóra en ég get ekki betur séð en að hann hafi fjarlægt það.

Reyndar fær Egill ekki rokkstig vegna þess að hann skrifar rúnk með u-i. Jónas fær hins vegar tvö rokkstig.

Sjálfhverfa?

2008-06-20T17:22:00.000Z

Síðdegisútvarpið í dag:

Fjölmiðlamaðurinn Freyr Eyjólfsson og fjölmiðlakonan Linda Blöndal fengu í dag fjölmiðlakonuna Svanhildi Hólm og fjölmiðlamanninn Ingimar Karl Helgason til sín að ræða fréttir fjölmiðla.

Því næst kom umfjöllun fjölmiðlamannsins Héðins Halldórssonar um umfjöllun danskra fjölmiðla um umfjöllun íslenskra fjölmiðla um ísbjarnardráp.

Fritzl í fullu fjöri fær fiskiflugu

2008-06-17T11:56:00.004Z

Ég hef eignast gæludýr. Í gær sópaði ég nokkrum dauðum flugum úr gluggakistunni í lófann á mér og fór með þær út á pall. Á pallinum býr stærðarinnar könguló í miklum og fíngerðum vef. Ég lét eina flugu falla á vefinn úr lófanum á mér. Köngulóin var snögg til og vafði fluguna kyrfilega með þæði sínum. Nú í morgun var hún búin að éta fluguna.

Ég stakk upp á því við vin minn Brynjar að köngulóin yrði nefnd Jósep Fritzl. Honum fannst það óviðeigandi. Eftir málamiðlum ákváðum við að láta hana heita Kirsten Fritzl.

Nú er Kirsten vel mett úti á palli og í kvöld mun ég gefa henni feita fiskiflugu.

(Ofstuðlun fyrirsagnar er í tilefni þjóðhátíðardagsins.)

Búferlaflutningar

2008-05-28T14:52:00.003Z

Ég kveð að sinni. Bless 101.

Á föstudaginn flyt ég út á land. Þeir sem vilja kyssa mig og knúsa (ég á ekki við þig séra Gunnar!) er velkomið að kíkja í heimsókn í dag eða á morgun. Einnig er hægt að hringja í tzjellin og mæla sér mót við hann.

Einlægt gelgjublogg

2008-05-27T01:29:00.001Z

Yfirleitt líður mér eins og loðinni píku í rakaðri veröld.

Opin búð

2008-05-22T16:14:00.003Z

Það er fátt betra en að drekka bjór og drýgja hór.

Opið hús hjá mér í kvöld. Allir sem elska mig en hata júróvísjón eru velkomnir.

Ölvun er skilyrði!

Afmæli

2008-05-16T20:12:00.002Z

Ég á afmæli á fimmtudaginn, sama kvöld og júróvísjón. Ég er að hugsa um að halda smá partí og auðvitað er allt gott fólk velkomið.

Nú er það víst í tísku hjá plebbunum að biðja aðeins um gjafir frá ákveðnum verslunum. Ég ætla að fara að þeirra fordæmi og setja nokkrar reglur og ábendingar um gjafirnar sem þið gefið mér:

Gjafirnar má aðeins versla í Kolaportinu eða í bókaversluninni hjá Braga.
Þær mega vera á verðbilinu 1-350 kr.
Helst vil ég bækur sem bera hallærislega titla. Til dæmis bækur Birgittu Halldórsdóttur.
Einnig megið þið kaupa asnalega eyrnalokka.
Komið mér á óvart.
Ég er sérstaklega hrifinn af gjöfum sem þið búið sjálf til.

En stærsta gjöfin væri auðvitað að þetta viðbjóðslega júróvísjónlag okkar kæmist ekki áfram.

Viðbót:

Auðvitað má líka kaupa gjafir í Tiger eins og Oddur gerði.

Stór rass

2008-05-15T20:21:00.000Z

Djöfull er Nigella Lawson með stóran rass.

Eðlilega.

Guðleysi í g-dúr

2008-05-15T16:46:00.002Z

Stundum finnst mér eins og guð búi í öllum hlutum nema þeim sem byrja á g.

Þó myndi ég aldrei biðja ömmu mína um að geyma meyjarblómið mitt. Það er fyrir löngu visnað.

Gamlar tussur og erlendar yngismeyjar

2008-05-14T21:45:00.005Z

Ég geri mín matarinnkaup alltaf í Bónus á Laugavegi. Mér finnst það stórskemmtilegt því mér líður eins og ég sé að taka þátt í samfélgaslegri tilraun í hvert sinn sem ég versla þar. Flestir starfsmenn þar eru nefninlega ungar erlendar konur sem tala litla sem enga íslensku þegar þær hefja störf.

Það er því ómetanlegt fyrir mig sem íslenskunema að fylgjast með því hversu fljótt stelpurnar læra tungumálið. Einungis vegna þess að þeim er strax hent út í djúpu laugina og þær látnar afgreiða fólk frá fyrsta degi, læra þær íslensku ótrúlega hratt.

Eflaust er þeim lofað einhverskonar lagerstörfum þegar þær sækja um, en ég skil verslunarstjórana vel. Þeir hafa úr afar einsleitum hópi starfsfólks að velja og hafa því engra annarra kosta völ en að setja greyjin stelpurnar strax á kassa.

Þetta finnst mér stórkostlegt og ég er stoltur yfir því að hafa kennt þeim - þó ekki sé nema pínulitla - íslensku með samskiptum okkar í búðinni.

Stundum skilja þær mig alls ekki og þá þarf ég að tala ensku við þær. Þó er það yfirleitt ég sem tala ensku að fyrra bragði.

Þessar stelpur eru afar umkomulausar fystu dagana og vikurnar í vinnunni og ég man sérstaklega eftir einni sem hóf störf í haust. Hún kunni ekki orð í íslensku þegar hún afgreiddi mig og sagði mér upphæðina á vörunum sem ég keypti á ensku. Næst á eftir mér í röðinni var gömul settleg frú. Þegar unga stúlkan sagði við hana : "Threethousandsixhundredthirtyfour" þá skeit gamla tussan næstum á sig af bræði og bölvaði henni á ljótri íslensku. Aumingja stelpan roðnaði og leið greinilega mjög illa. En á meðan unga stúlkan stóð eins og illa gerður hlutur með tárin í augunum, þá taldi aldna kuntan þrjúþúsundsexhundruðþrjátíuogfjórar krónur upp úr buddunni sinni. Auðvitað skildi sú gamla nákvæmlega það sem stelpan sagði.

Það er afar áhugavert að sú kynslóð sem kenndi minni kynslóð að kurteisi og virðing væru æðst allra gilda skuli haga sér svona - að láta smávægilega samskiptaörðugleika gersneyða sig allri mannvirðingu. Kannski er það ágætt að ákveðin viðmið deyji út með þessari kynslóð. Ætli Útvarp Saga og Frjálslyndi Flokkurinn fylgi henni ekki blessunarlega í gröfina?

Ég hvet sem flesta að snúa sér að erlendu starfsfólki stórverslanna ef upp vakna spurningar. Kennum fólkinu íslensku og tölum ensku ef það skilur ekki og segjum þeim nafn hlutarins á íslensku. Þá er ég viss um að þegar næsti viðskiptavinur spyr sömu spurningar, mun starfsmaðurinn svara á íslensku.

Ekki veit ég hvort stelpurnar í Bónus eru nýbúar, íbúar, nýjir Íslendingar eða bara útlendingar. Ég ætla að leyfa þeim að skilgreina sig sjálfar. Það eitt veit ég að þær eiga hrós skilið.

Íslensk tunga

2008-05-13T00:54:00.002Z

Ég er mikill áhugamaður um íslenska tungu og mér þykir afar vænt um hana.

Hins vegar finnst mér hún stundum vond á bragðið ef eigandi hennar hefur drukkið mikið áfengi og ég er edrú.

Hystería, paranója og egósentríska

2008-05-10T22:44:00.003Z

Sumir telja það framaskref og ávísun á velgengni að setjast í stúdentaráð. Mín reynsla af stúdentaráði og því fólki sem situr þar er hins vegar sorgleg. Eflaust öðlaðist ég einhverja reynslu af setu minni þar þó hún sé ekki teljandi. Hins vegar komu margir félagar mínir reynslunni ríkari úr stúdentaráði. Þeir voru hysterískir, paranójaðir og egósentrískir.

Er það kannski ágætis veganesti fyrir upprennandi stjórnmálamenn?